جرت العادة بس السنه دي جت بزيادة ان احنا نتابع اعلانات رمضان ونقوم محللين ونعمل نفسنا فاهمين
بس الصراحة وكلمه فى سركم احنا همنا من الحدوته دي اننا نتعود منسلمش للي بنسمعو على طول ولا للى بنشوفو بالعيون
غير لما بجد يكون شئ مفهوم
اغلبنا مريض بال نوستالجيايعني مثلا ايه رايك في
دي
وايه رايك في دي
ط دي مش بتفكرك بحاجه
افتكر كده معايا ايه دي
ط سيبك من ده كلو بص كده على دي
ايه رايك طيب في دي
ولا حتي موضوع الاتصالات بيفكرك بحاجه
لسه ماخذتش بالك من حاجه !!
ط اخر حاجه كفاية كده كنت بتكلو بطعم ايه !! غير الطماطم اللى وجع بطنطا بيه !!
ممكن تقولي احساسك !! فكرك !! شعورك !! بتبتسم !! قولت ياااااااااه !! ط
هل تعلم ان مش كل اللى شاف الصور دي عمل زيك !! ليه !!
عشان انا وانت استخدمنا وشوفنا الحاجات دي لكن هو لا فمفرقش معاه
يعني الفئه محددة من الاول يعني ازاي انا عندي منتج المفروض انه معروف انو افضل من المنافس بتاعي زي كوكاكولا وكوكاكولا بتكلم كذا عمر وكذا فئه وانا مصمم من السنه اللى فاتت اني اكلم نفس ال
segmentation
ازاي مش غايز اغير ازاي بحاول اثبت اني فشلت فى استقطاب فئه الشباب
وقصر الكلام وقوام قوام عشان منصدعكوش يا جدعان
تعالوا كده بينا نشوف اعلان رمضان اللى فات بتاع بيبسي
ايوه ايوه شايفك يا اللى بتقول رمضان اللى فات ايه هو انتم مساطيل !!! لا يا عمنا تعالي واسمع مننا وهتشوف الحكاية عندنا
متخفوش مش هنضيع وقتكم ونعيد ونزيد فى تحليل الاعلان لانه اصلا كنا محللينو ايام زمان بيبسي رمضان 2013بس اللى لفت انتباهنا ان بيبسي منزلتش من اول يوم
Coca-Cola ... واستنت لحد ما المنافس التقليدي اللدود
وعشان كانت لسه بتجس السوق ومش محضرة اي حاجة فضطرت انها تنزل بموضوع عرض السعر
ولكن عشان تربط بين الكامبين اللى عملتها وبين عرض السعر عملوه بالمنظر ده وبانت اسباب الفشل اللى
منها ان الاسعار دي مش بتاعت زمان زي ما بيقولو لانو زمان كانت الزجاجه ب 150 قرش في نفس الفتره اللى بتكلم فيها الفئه العمرية بتاعتك يا بيه
وحاجة تانية ان مش اللمه هي اللى هتنزل السعر لكن في كوكاكولا قالو انو عرض لرمضان وبس ... !!
هل تعلم ان الفرق بين مشاهدة اعلان كوكاكولا واعلان بيبسي كبيييييييييييييييير اوي اوي !
بعد يومين من نزول اعلان بيبسي اللى نزل 6-7-2014 كانت دي النتيجة
ولكن بعد مرور 6 ايام بس كانت دي شكل النتيجه لعدد المشاهدين على القناة الرسمية لبيبسي على اليوتيوب
وعلى الرغم من ان كوكاكولا نزلت من يوم 29-6-2014 الا وان النتيجه كانت سيئه مقارنة ب بيبسي
وده ان دل يدل على ان فرحة الناس ب الفيديو كانت فظيعه جدا جدا جدا
انما من حيث فكرة اعلان بيبسي لعرض رمضان 2014 كان ماشي بمبدأ
" نبتدي من حيث ما قد انتهينا "
على اساس ان نهاية اعلان السنه اللى فاتت كانت اللمه هي حسن الختام فيه فكانت برضو اللمه السنه دي هي طوق النجاه لإعلان عرض بيبسي 2014
ونيجي بقي للب الموضوع هو الاعلان الرسمي لبيبسي السنه دي
بعد ما اطقسنا فعرفنا ان طارق نور هو اللى وراء فكرة اعلان بيبسي السنه دي فثبت لينا ان منهجيتو التفكيرية تسير على نهج محادثة جيل التمنينات فقط من غير تجديد او تغيير باستخدام اساليب العصر الحديث
اعتمد صاحب فكرة الاعلان على لعبة الرقص والتطبيل على اوتار مشاعر وذكريات جيل التمينات
هو ده نفس الجيل اللى عينو دمعت لما شاف عمو فؤاد السنه اللى فاتت
وهو هو كمان اللى ااهات الحزن ودموع الفرح شكلت معالم وشوشه اول لما شاف جورج سيدهم فالاعلان
لكن الحق يتقال على الرغم من ان الاعلان مكنش فيه اي دعوة ل
Call To Action
Nostalgia الا ان فكرة التصوير بمفهوم ال
كانت مناسبة جدا لفكرة محاكات ذكريات الزمن اللى فات والاحلي والاحلي ان فكرة كل جزء فى الاعلان كان قصه منفصله لها بداية ولها نهاية ده اللى عالجو بيه مشكلة السنه اللى فاتت ف فشلهم في كيفيه حبك سيناريو واسكريبت الاعلان اللى طلعنا منه لغطات كتير كانت واضحة للعين ... ولو عايزين تعرفو هي فين ممكن تعرفو من هنا تحليل اعلان بيبسي وشيبسي رمضان2013 لكن معلش هرخم عليك شوية ومتزعلش لما اقولك ان كوكا هي بجد اللى كسبت السنه دي عارف ليه !! خش اغلب البيوت هتلاقيهم اشترو كوكاكولا على الرغم ان اغلب الناس بتقول ان بيبسي احلي بس عشان حوار اسمهم اللى على العلبه :)
اه عارف انك هتستغرب من الكلام انا فعلا مش بشرب ولا بيبسي ولا كوكا
اصلا الاتنين بيعملو هشاشه فى العظام والكافين بيدمر الصحه ولكن انا بتكلم كماركتير فقط مش اكتر
فنرجع تاني ونقول ان بيبسي ملبتش اي حاجه منك تعملها غير انك تتصور وتبعت الصور على الهاش تاج
#يلا_نكمل_لمتنا
عشان فانوس ميدان التحرير ينور اكتر
#YallaRamadan
بس بعيدا عن فكرة الخساره لبيبسي ينفع بسرعه اعرفك ايه وجه اعتراضي علىها !!!
ازاي السنه اللى فاتت عامل نفس الحملة بس الفرق ان السنه دي عملت حملة السوشيال ميديا فكرة الصورة اللى برضو طلعتها فى الاعلان غلط بس كنت بتقول
Lays
والسنه دي جاي تقولي
Chipsy
هو انت عايز تفهمني انك معندكش استراتيجية للشغل يعني حضرتك مش عارف انك بلطجي !!
ايوه بلطجي يعني لما دلخت ب ليز مصر ولقيت الناس متشحتفه على شبسي روح كلمت صاحبها على انو يبيع البراند والراجل رفض اشتغلت عليه انت والجهات السيادية فى البلد واعلانات بالملاين فى كل حته على ان شبسي وحشه مووز وبعدين لما الراجل لقي ان بيتو هيتخرب وانو من غير ظهر عشان انتم معاكم فلوس واديتولو قرشين وساب البلد رجعتو تاني تقولو ان شبسي جميله وحلوه وطعمه
لغايه ما الناس بقي هو اساسي في كل وجبه !!
ليه مش عايز تمنع ليز هتقولي ليه سجمنتيشن معينه بتكلو اوك يا عمو يبقي خلي بالك ان الاغلبية عندك بيعشقو شبسي وولاد الناس الفخمه قله مندسه :P
متحاولش تبقي مذبذب عشان لو في عميل فاهم هيبقي شكلك وحش اوي على فكره
نرجع تاني نفس الغلطة بتاعت السنه اللى فاتت هي هي فين البراند فين المنتج بتاعك فى الاعلان فينو يا عم الحاج !!!
7 مرات بس
منهم 6 بيبسي
ومرة واحده بس شبسي
ط ممكن ترجمه يعني مفيش فعل معين طالبو من الناس يكسبك زي انو يشتري ولكن انو يتصور صور قديمة ويبعتها ولا اظهرت المنتج بتاعك فى الاعلان بشكل يفيد انك بتعمل دعاية بفكر استراتيجي بجد
وجايب كمية ناس كتيييره اوي ظيطه فى الاعلان زي
4Mعزت ابو عوف وال
هشام عباس وحميد الشاعري
عائلة بوجي وطمطم اللى بهدلتهم السنه اللى فاتت بصوت غير الصوت اللى متعودين عليه منهم
ماما نجوي ابراهيم وبقلظ
احمد شوبير وهاني رمزي وجمال عبد الحميد وهشام يكن واسماعيل يوسف واحمد الكأس
واخيرا شرين وسمير غانم والقنبلة جورج سيدهم
عارف ان اسواء حاجه واحلي حاجة فى الاعلان هي هي نفس الحاجه !! اه والله زيمبؤلك كده
هو جورج سيدهم انت عارف يعني ايه تتاجر بمرض واحد !! عارف يعني ايه احس ان الراجل اللى مختفي عن الشاشه من 18 سنه يعني سنين طويله يطلع قاعد مش قادر يتحرك وهو عنده شلل رباعي يعني انو طالع عشان ياخد فلوس بس :(
اخر كلامي للمخرج العبقري على فكره مفيش ميزه اطلاقا اني اشوف واحد لابس فنله مخططه ببتنجاني على فوحلقي وقاعد على رجل ابوه اللى عنده مليار سنه عشان توصلي فكره الحنين الى الماضي ولكن القلب بيقشعر بجد وبيبتسم لما بيلاقي الصورتين جمب بعض ودي غلطه انك شيت فى كل اللقطات الصورتين من جمب بعض لكن الجمال هنا يا برنس
وكان من الافضل انك تعيد الحته اللى شوبير بينام فيها على بطنو يا برنس اسمو منتخب الساجدين يعني بيسجدو مش بينامو على بطنهم وطبعا هعضك من ودانك لو قولت انو كبير فى السنه ده نط نطه عشان يطلع الكوره من الجون ولا انا ولا الواد #نوح ابني نعرف ننطها الا طبعا لو خدنا الفلوس الكتييير اللى خدهااما فكرة الموسيقي دي من وجه نظري ومش احتقار لفكرك كان ممكن تبقي قديمة شويه بدل ما هي الفناتي اوي لكن موسيقي التمنيناتي بتبقي اهدي من الظيطه دي عشان كنت تعيشيني السسبنس بجد وانفتح فى العياط على حق ربناطبعا عارف انك فهمتش اذا كان الاعلان عجبني ولا لا لكن احب اقولك ان الاعلان مكس حلو على وحش ودائما الانتقاد بيبقي للشركات المتوقعه انها متعدش نفس غلطات السنه اللى فاتت واخدلي بالك انت يا فخري السنه اللى فاتت
بجد بشكر اخويا وحبيبي وصديقي ومعلمي المهندس
عشان قعد معايا ما يقرب من 4 ساعات عشان نعمل التجميه دي من صور وفيدوهات
وطبعا كان المصدر الاساسي قناة بيبسي على اليوتيوب والفيس بوك
و
