#كوكاكولا_احلى_مع
تقريبا الموضوع ده قديم جدا جدا جدا مش جديد الا وهو انك تكتب اسمك على المج التيشيرت على المادلية
مفيش اي ميزه فيه !!
وخسرت ايه بقي كوكاكولا !! هقولك بس خلينا نعرف الاول استراتيجيتها كانت
فالعالم كله :
openhappiness
في مصر :
أفرح
أفرح + أتجنن
أفرح + هنروح كاس العالم بفرحة
أفرح + مدخلناش كأس العالم لكن هنروح بفرحة
أفرح + إسمك على الازازة :)
2012
2013
يعني ايه !! يعني السعادة الفرحة سيكلوجيا ونفسيا الانسان اكتر حاجه بيدور عليها السعادة بتتجوز عشان تبقي سعيد بتخرج مع صحابك عشان تبقي سعيد بتشتري هدوم عشان تبقي سعيد بتاكل عشان تبقي سعيد بتشرب عشان تبقي سعيد فحاول انو يربطلك العلامة بتاعتهم بالفرحانك لما تشوف كلمة #كوكاكولا تبقي سعيد مبسوط فرحان
وطبعا عارفين ان كوكاكولا هي الراعي الرسمي لكاس العالم يعني الدنيا مقفلوه ومزنوقه معاهم ط وموضوع الاسامي ده فكره جديده يعني جابوها عشان خاطر مصر !!
شوية وهقولك لكن خلينا نتكلم شويه عن الفكرة عن الاستراتيجية ونربط الماضي لهم بالحاضر بفكرهم طبعا الموضوع انا بحاول ابسطو عشان حتي لو انت مش من عشاق الماركتينج متتخنقش وتحس انو كله كلاكيع
فكرتهم الاساسية زي اي شركة بيع ومكاسب وفلوس ده طبيعي لكن فكرة ازاي يوصلو للناس مش بشكل انا رايح معايا فلوس لقيت الكان بتاعتهم هشتريها ملقيتهاش عادي لا لا لا الفكرة اكبر من كده ازاي يخليك تستفيد من المنتج بعد ما تخلصو !! مثال
مش الفكرة انو يقول لك ادفعلي واشتري من عندي وشاهد قبل الحذف والحاجات العجيبة دي لكن زي ما قولنا انهم غيرو الاستراتيجية العامة الى فكرة انك تبقي مرتبط بهم وهم السبب الاساسي للفرحة يعني لو مثلا انت مسافر في بلد تاني غير بلدك وعملو معاك كده هتحس بايه !!
بتاعتهم كل مره عن مره بتكبر يعني ايه يعني مرة يلعب على احباب الكورة segmentationوال
ومرة على الشباب ومرة على الناس الكبيرة ومرة على الاطفال
وكل مرة بيدور على طريقة جديدة للدخول يعني مثلا عشان تكلم شباب الجامعات اللى لسه ميعرفوش بعض ازاي تربط ما بينهم !! ازاي تخليهم يتعرفو مع بعض !! قفلت الازايز بتاعتها ولازم تتفتح بالشكل ده
ط هل تعلم ان كوكاكولا هي الشركة الوحيدة اللى الموضوع مقتصرش معاها على ماركيتنج وبيع وشراء وافكار وزرع حاله نفسيه وانها تعلقك بها كمنتج بس لا لا لا
الموضوع كان اكبر من كده انها صالحت بين الدول !! اه وادي الدليل
ومفكرتش بس انها تروح لأوروبا او للشرق الاوسط بس بتلف العالم كلة
يعني مثل الفرحة بالنسبة لهم لكل الناس زي فلبين :)
ط نرجع مع بعض لفكرة المادلية اوم نص جنيه !! هل فكرة تليق بشركة عالمية انها تعملها !!
اه عادي وايه المشكلة ط وهي بتجربها فينا ولا ايه !! وليه عملتها معانا احنا الاول لا معملتهاش معانا ولكن اول مره تعملها كانت فى استراليا في 2011 وكانت كده
يعني الموضوع مش جديد ولكن الفرق هنا بقي ان كل الكامبينز بتاعت كوكاكولا حول العالم كانت بتطلب منهم
وكان الطبيعي لما تخش مصر تغير الاستراتيجية بتاعتها بسبب اختلاف السجيمنتيشن واختلاف ال
Culture
وعشان كده كان لازم يجيبو مشاهير يعملو معاهم كده عشان خاطر عارفين ان الشعب المصري اللى لبس نفس البلوفر بتاع عمرو دياب فى تملي معاك هتعجبو فكره الاسماء حتي لو قديمة بس بشكل مختلف
برة الجمهور اتعامل مع الفكرة بشكل مختلف يعني عملو اعلانات على هواهم هم وعلى مزاجهم زي كده مثلا
WOMوده اللى قولنا عليه انهم من كتر ما حبو البراند مطلبوش فلوس عشان يعملو ال
وهنا بقي لازم الشركة او الكيان يتعامل بشكل مختلف مع العملاء بتوعو يعني احنا بنطلب منكم انكم تعملو شير ومشاركة ومقولناش اننا هنكافأ حد فيكم لكن هنعمل هدية لواحد زي الراجل ده بالشكل ده وده عشان كتر الشير بتاعو على انستجرام
ولكن في مصر كوكاكولا مرضتش تبتدي الحملة بتاعتها بنفس الاسلوب اللى عملتو فى العالم بتاع
#Shareacoke
ففي الاول عملت الزوم على المشاهير زي كده
عمر طاهر
كايروكي
وكانت البداية على السوشيال ميديا كده خفيف خفيف يا سباعي
وده كان رد الناس على موضوع ال3 ايام والغزو الكاكولي الفظيع
لكن سابت المصري يحط التاتش بتاعو يعني مثلا صفحة فى اقل من 3 ايام كان فيها اكتر من نص مليون فانز
ولكن فى الاول كانت كده
وبعدين بقت كده :)
وزي ما لازم يبقي فى تفاعل بين الاعلان وبين الجمهور فالعالم كله مثلا زي
:o او مثلا انو يخليك تتفاجأ ان الكانزاية تتقسم نصين
وعشان عارفين ان الصينيين خجولين لما بتكلمو مع بعض عملوكده عشان يربطو بينهم
وكان العادي بتاعهم انهم يعملو كده في لندن عشان برضو التفاعل والفرحة
ولكن التفاعل المصري كان مختلف مع الفكرة عموما
ولكن توقع الكثير من اسود السوشيال ميديا فى مصر ان كوكاكولا هضم كل الصفحات اللى طلعت باسم
#كوكاكولا_احلي_مع
لكن الموضوع ممشيش كده وخابت اكثر التوقعات عشان كوكاكولا على صفحتها الرسمية على الفيس بوك عملت كده
من اللينك ده تقدر تاخد النسخه بتاعتك الاصلية
قولولنا عايزين تشوفوا اسم مين
وعلى تويتر الموضوع كان مختلف
وطبعا عشان استغلال المواقف لكان لازم يعملو مكس كاس العالم احلي مع مين !!!
وطبعا الحملة على الفيس كانت على الصفحة العالمية اما على تويتر كانت على الاكونت المصري فقط
وقبل ما نمشي نحب نعرف الناس العادية مش اصحابنا المجرمين بتوع التسويق
متنساش ان فى ناس بتستغل المواقف دي وده الفرق بين انك لازم تبقي عارف وبين انك اي حاجه تمشي وراها يعني مثلا في ناس عملت شغل اسبام يعني ايه اسبام انهم استغلو حالة الهياج العام عشان كل واحد نفسو يبقي اسمو على كانز الكولا وعمل بوست بمجرد ما تدوس عليه فانت عملت لايك او اعجاب بصفحات انت متعرفهاش وكمان يقدر يستغل الاكونت بتاعك ويقدر يسرقك فعشان كده خليك مع الصفح الرسمية افضل
وطبعا ولا اي بلح ولا ليه اي لازمه ومفيش حاجه هتتعمل لكن خش على اللينك
قولولنا عايزين تشوفوا اسم مين
وده برضو نفس النظام اسبام لكن قالوا يخدو انصار بيبسي خلي بالكم برضو الاكونتات بتتسرق بنفس الفكرة بتكتب اسمك وتدوس التالي هيطلعلك مسج تقولك هرلاليلايبانمرتلبقارييعتم تقول امين يقول باي باي اكونت ويتسرق حسابك بمنتهي السهولة
حلو اوي لكن مش واخد بالك انك نسيت تقولي فين برضو الخسارة اللى كوكاكولا خسرتها يا عم الماركتير !!!
الفكرة ان كوكاكولا خسرت الخسارة !! اه خسرت الخسارة يعني ايه يعني لما بيبسي وهنتكلم عنها في مقاله قريبا تكسب الخسارة يبقي المحصلة = خسارة ,,, لكن لما كوكاكولا تخسر الخسارة تبقي كسبت
هتقولي الحملة قرفتنا هقولك هو المطلوب إثباته هتقولي الحملة مخنقة وبقت كتير هقولك انا اعرف واحد اتخانق مع مراتو بسبب انها عملت كوكيك عليها اسمو وهو مش طايق من كتر ما بقي التايم لاين عندو ملايان كوكاكولا احلي مع ... !!!
وكمان الناس بقت بتحط الصورة للبروفايل بقت بتعملها للخلفية بقت بتبعتها لبعض حتي بعض الشركات استغلتها فى الحملات بتاعتها
تحليلك جميل جدا
ReplyDeleteبس عندى نقطة لو تسمحلى الكوالتى بيفرق فعلا انا مثلا فى الخليج شوف الفرق بين كوكولا وبيبسي كوكاكولا تحس انها شوية مية وعليهم سكر وشوية صودا بس الطعم ماسخ جدا لكن بيبسي جودتها عاليه جدا بالمقارنة بالمنتاجات التانية لكوكا جودة كوكا فى مصر احسن بكتير من هنا وجودة بيبسي فى مصر اقل بكتير من جودتها بالخليج وده بيفرق
شكرا لزوقك يا فندم ونورتنا بتعليقك لكن انا مش بتكلم عن منتج انا بتكلم عن الفكرة كلها او بالمعني الادق عن الماركيتنج يعني فكره التسويق فعلا انا معاك ان في ناس بتقول ان البيبسي احسن طبعا هتقولي في ناس يعني ايه يعني انا اصلا مقاطع الحاجات السوداء مش بشربها اصلا هي بتجيب هشاشا فى العظام ههههه لكن انا بتكلم عن فكره والمفروض اني هقعد اعمل تحليل ان شاء الله عن بيبسي لكن مستني اتفرج على تليلات اصحابي عشان معملش حاجه مشابها
Delete